Нақтырақ айтқанда, Парламентте ос­ындай жазаны қарастыратын заң жоба­сы қа­ралып жатыр. Яғни ол әлі қабыл­данған жоқ.

Ұсынылған бұл заң жобасына сәйкес, ав­торлық құқықты бұзушы интернет пай­да­ла­нушыға бірінші ретте ескерту жаса­лады. Ал екінші рет тағы осындай жағ­дайда тұтылса, онда ол 15 айлық есептік көр­сеткіш (1 АЕК – 1512 теңге) көлемінде айып­пұл төлеп, компьютер мен модемінен айырылады. Яғни жекелей заты тәркі­ленеді.

Ал заңсыз аудио және бейнежазбаны орна­ластырғаны үшін портал қо­жа­йындарының сотталып кету қаупі бар. Атал­ған заң жобасында бұл реттегі айыппұл 500 айлық есептік көрсеткішті құрайды немесе бір жыл бас бостандығынан айыру міндеттелген.

Алдында БАҚ-тарда жарияланған дерек­терге сүйенсек, бүгіндері еліміздің интернет пайдаланушыларының 98 пайызы заңсыз контентті көшірумен айналысады. ТМД елдерінде де «пираттық» өнімдерді интернет арқылы тарату кеңінен етек алған. Дегенмен қазақстандық сайт иелері «осындай шектеулері бар заң жобасы қабылданса, енді отандыққа бет бұра бастаған интернет пайдаланушыларды үркітіп аламыз, олардың көбі мұндай жағдайда ресейлік порталдарды тұтына бастайды» деген қауіп барын айтады.